ᖃᓄᐃᓕᐅᕐᓂᐊᓕᖅᐱᑕ

Facilitator Login

Forgotten Password?

ᖃᓄᐃᓕᐅᕐᓂᕐᒧᑦ ᐸᕐᓇᒍᑎᕗᑦ: ᒪᑭᒪᓂᖅ ᐸᕐᓇᒍᑎ

ᓴᖅᑮᓯᒪᓕᖅᑐᒍᑦ ᓄᓇᕗᒻᒥ ᐊᔪᖅᓴᓗᐊᖅᑕᐃᓕᓂᕐᒧᑦ ᖃᓄᖅᑑᕈᑎᒃᓴᐅᔪᒥᒃ ᐸᕐᓇᒍᑕᐅᔪᒥᒃ, ᑲᑐᔾᔭᐅᓪᓗᑎᒃ ᑲᒪᒋᔭᐅᓇᓱᐊᖅᑐᖅ ᑕᐃᔭᐅᓂᖃᖅᑐᓂ ᒪᑭᒪᓂᕐᒧᑦ ᐸᕐᓇᒍᑎ: ᑲᑐᔾᔭᐅᔪᖅ ᑲᒪᔾᔪᑕᐅᓇᓱᐊᖅᑐᖅ ᐊᔪᖅᓴᓗᐊᖅᑕᐃᓕᒪᓂᕐᒧᑦ. ᓴᖅᑭᑕᐅᓚᐅᖅᑐᖅ ᐊᑐᓄᑦ ᐃᓄᓐᓄᑦ, ᓄᓇᓕᓐᓂ ᑲᑐᔾᔨᖃᑎᒌᓄᑦ, ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᓄᓇᕗᒻᒥ ᑐᓐᖓᕕᒃᑯᓐᓄᑦ, ᐊᒻᒪ ᓄᓇᕗᒻᒥ ᒐᕙᒪᒃᑯᓐᓄᑦ.

ᐱᕙᓪᓕᐊᔭᐅᓂᖓ ᐊᔪᖅᓴᓗᐊᖅᑕᐃᓕᒪᓂᕐᒧᑦ ᖃᓄᖅᑑᕈᑎᒃᓴᐅᔪᑦ ᑲᒪᒋᔭᐅᓯᒪᔪᖅ ᑎᓴᒪᐅᓕᖅᑲᖓᓪᓗᐊᑕᖅᑐᑎᒃ ᖃᓄᐃᓕᐅᕐᓂᕆᓂᐊᖅᑕᖏᑦ:

  1. ᓄᓇᓕᓐᓂ ᐅᖃᖃᑎᒌᓐᓂᐅᔪᑦ ᐊᔪᖅᓴᓗᐊᕐᔭᐃᓯᒪᓂᕐᒧᑦ (ᐅᑭᐅᖅ 2011)
  2. ᐊᕕᒃᑐᖅᓯᒪᔪᓂ ᑲᑎᒪᓂᐅᔪᑦ ᐊᔪᖅᓴᓗᐊᓂᖃᓐᖏᑲᕐᓂᓂᕐᒧᑦ (ᒪᐃᒥᑦ ᔫᓂᒧᑦ 2011)
  3. ᐊᔪᖅᓴᓗᐊᕐᓂᕐᒧᑦ ᑲᑎᒪᕐᔪᐊᕐᓂᖅ (ᓅᕕᒻᐱᕆ 2011)
  4. ᐱᓕᕆᐊᖑᔪᑦ ᑲᒪᒋᔭᐅᓂᖓ − ᖃᓄᖅᑑᕆᐊᓕᕐᓂᖅ!

ᓯᕗᓪᓕᖅᐹᒥ ᑲᒪᒋᔭᐅᓂᖓ: ᓄᓇᓕᓐᓂ ᐅᖃᖃᑎᒌᓐᓂᖅ (ᐅᑭᐅᖅ 2011)

ᐱᒋᐊᖅᑐᒍ ᕖᕝᕗᐊᕆᒥᑦ ᐄᐳᕈᓪᒧᑦ 2011, ᐃᓄᐃᑦ ᑲᑎᖃᑦᑕᓚᐅᕐᒪᑕ ᓄᓇᕗᒻᒥ ᐅᖃᐅᓯᖃᕐᓂᐊᕐᓗᑎᒃ ᐊᔪᖅᓴᓗᐊᕐᓂᐅᔪᒥᒃ ᐊᒻᒪ ᐱᒻᒪᕆᐅᔪᑦ ᐃᓱᒪᒋᔭᐅᔪᓪᓗ ᖃᓄᐃᓕᐅᕈᑎᒃᓴᐅᔪᑦ. ᐊᑭᓕᖅᓱᖅᑕᐅᓇᑎᒃ ᑲᒪᔨᐅᖃᑦᑕᖅᑐᑦ ᐃᓚᒋᔭᐅᓪᓗᑎᒃ ᐃᓕᓐᓂᐊᖅᑐᓄᑦ, ᖃᐅᔨᒪᔭᒥᓐᓂᒃ ᐅᖃᐅᓯᖃᕐᓂᕐᒧᑦ ᐊᒻᒪ ᐃᓱᒪᒋᔭᖏᓐᓂᒃ ᐊᔪᖅᓴᓗᐊᕐᓂᐅᑉ ᒥᒃᓵᓄᑦ, ᐊᒻᒪ ᓄᓇᒥᓐᓄᑦ ᐅᑎᖅᑐᑎᒃ ᐃᓕᓐᓂᐊᑎᑦᑎᑲᓐᓂᓕᖅᑐᑎᒃ ᖃᓄᖅᑑᕈᑎᒃᓴᐅᔪᓂᓪᓗ ᑲᑐᔾᔨᖃᑎᒌᒍᑎᒃᓴᑲᓐᓂᐅᔪᓂᒃ.

 

ᑕᐃᒃᑯᐊ ᐃᓱᒪᒋᔭᐅᔪᑦ ᓄᓇᓕᓐᓂ ᑲᑎᒪᓂᖃᖃᑦᑕᑎᓪᓗᒋᑦ ᐊᑐᓂᑦ ᐊᕕᒃᑐᖅᓯᒪᔪᓂ ᓄᐊᑕᐅᓕᓚᐅᖅᐳᑦ ᐃᒪᐃᑦᑐᕈᖅᑎᑕᐅᓪᓗᑎᒃ “ᐱᔾᔪᑎᖏᑦ ᐃᓱᒪᒋᔭᐅᔪᓪᓗ ᐊᓯᔾᔩᓂᕐᒧᑦ” ᐅᓂᒃᑳᓂ. ᐃᓱᒪᒋᔭᐅᓚᐅᖅᑐᓕᒫᑦ ᐅᖃᐅᓯᐅᓚᐅᖅᑐᓕᒫᑦ ᑕᕝᕙᓂ ᐅᓂᒃᑳᓂ ᐱᖃᓯᐅᔾᔭᐅᓯᒪᔪᑦ. ᑭᑭᑕᐅᓯᒪᔪᖃᓐᖏᑦᑐᖅ. ᖃᐅᔨᒪᓗᓯ ᖃᓄᖅ ᐃᓄᐃᑦ ᐊᕕᒃᑐᖅᓯᒪᔪᒃᓯᓐᓂ ᐃᓱᒪᖃᕐᒪᖔᑕ ᐊᔪᖅᓴᓗᐊᕐᔭᐃᓯᒪᓂᐅᔪᒥᒃ!

 

ᐊᐃᒃᐸᖓᓂ: ᐊᕕᒃᑐᖅᓯᒪᔪᓂ ᑲᑎᒪᓂᐅᔪᑦ ᐊᔪᖅᓴᓗᐊᕐᓂᑕᖃᖁᓇᒍ (ᒪᐃ ᐊᒻᒪ ᔫᓂ 2011)

ᑭᖑᓪᓕᕐᒥᒃ, ᐃᓄᐃᑦ ᑲᑎᖃᑦᑕᓕᓚᐅᕐᒥᔪᑦ ᐊᑐᓂᑦ ᐊᕕᒃᑐᖅᓯᒪᔪᓂ ᐅᓂᒃᑳᓕᐅᕐᓂᐊᕐᓗᑎᒃ. ᑎᓴᒪᐅᔪᑦ ᐊᕕᒃᑐᖅᓯᒪᔪᓂ ᑲᑎᒪᓂᐅᔪᑦ ᐊᔪᖅᓴᓗᐊᕐᓂᐅᑉ ᒥᒃᓵᓄᑦ ᐱᖃᓯᐅᔾᔨᓚᐅᖅᑐᑦ ᑭᒡᒐᑐᖅᑎᓂᒃ ᓄᓇᓕᓐᓂ ᑎᒥᐅᔪᓂᒃ, ᓂᕈᐊᖅᑕᐅᓯᒪᔪᓂᒃ, ᐱᔨᑦᑎᖅᑎᐅᔪᓂᒃ, ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᓄᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᐃᓐᓇᑐᖃᐅᒧᑦ, ᐊᒻᒪ ᐊᓯᖏᑦ ᐃᓚᐅᖃᑕᐅᔪᒪᔪᑦ ᓄᓇᖃᖅᑐᑦ. ᑕᒪᒃᑯᐊ ᑲᑎᓐᓂᐅᔪᑦ ᐃᒃᓯᕙᐅᑕᖃᓚᐅᖅᑐᑦ ᓄᓇᕗᒻᒥ ᑐᓐᖓᕕᒃᑯᑦ ᑎᒥᖁᑎᖓ ᐊᖓᔪᖅᑳᑉ ᑐᖏᓕᖓᓄᑦ ᔮᒃ ᐊᓇᕈᐊᖅ, ᒥᓂᔅᑕ ᐲᑕ ᑕᑉᑐᓇ, ᒥᓂᔅᑕ ᑮᑦ ᐲᑕᓴᓐ ᐊᒻᒪ ᒥᓂᔅᑕ ᔭᐃᒥᓯ ᐋᕆᐊᒃ.

 

ᖃᓄᐃᓕᐅᕐᓂᐊᖅᐸᑦ ᐊᔪᖅᓴᓗᐊᕐᓂᑕᖃᖁᓇᒍ ᐱᕙᓪᓕᐊᓂᖏᓐᓄᑦ ᓄᓇᓕᐅᔪᑦ ᑕᐅᑐᓐᖑᐊᖅᑕᕗᑦ? ᐊᑐᓂᑦ ᐊᕕᒃᑐᖅᓯᒪᔪᓂ ᑲᑎᒪᓂᐅᔪᑦ ᓴᖅᑮᓚᐅᖅᑐᑦ ᐊᑐᕈᒥᓇᖅᑐᑦ “ᖃᓄᖅᑑᕈᑎᒃᓴᐅᔪᑦ” ᐅᓂᒃᑳᖑᔪᓂᒃ, ᑕᒪᒃᑯᐊ ᐱᒋᐊᕈᑕᐅᓚᐅᖅᑐᑦ ᐅᖃᖃᑎᒌᒃᐸᓪᓕᐊᓂᕐᒧᑦ ᐊᔪᖅᓴᓗᐊᕐᓂᕐᒧᑦ ᑲᑎᒪᕐᔪᐊᕐᓂᐅᔪᒧᑦ ᓅᕕᒻᐱᕆ 2011.

 

ᕿᑭᖅᑕᓂ  ᐊᑐᖅᑕᐅᖔᕈᓐᓇᖅᑐᑦᐱᓕᕆᓂᐊᕐᓗᓂ

ᑭᕙᓪᓕᕐᒥᐅᓂ  ᐊᑐᖅᑕᐅᖔᕈᓐᓇᖅᑐᑦᐱᓕᕆᓂᐊᕐᓗᓂ

ᕿᑎᕐᒥᐅᓂ  ᐊᑐᖅᑕᐅᖔᕈᓐᓇᖅᑐᑦᐱᓕᕆᓂᐊᕐᓗᓂ (North; South). 

 

 

ᐱᖓᔪᖓᓐᓂ: ᐊᔪᖅᓴᓗᐊᕐᓂᕐᒧᑦ ᑲᑎᒪᕐᔪᐊᓂᖅ (ᓅᕕᒻᐱᕆ 2011)

ᓅᕕᒻᐱᕆ 2011−ᒥ, ᐃᓄᐃᑦ ᓄᓇᕗᒻᒥᖔᖅᓯᒪᔪᑦ ᑲᑎᓚᐅᖅᑐᑦ ᐃᖃᓗᓐᓂ ᐊᔪᖅᓴᓗᐊᕐᓂᐅᑉ ᒥᒃᓵᓄᑦ ᑲᑎᒪᕐᔪᐊᕐᓂᐅᔪᒥ. ᑖᒃᑯᐊ ᐃᒃᓯᕙᐅᑕᖃᓚᐅᖅᑐᑦ ᐄᕙ ᐋᕆᐊᕐᒥᒃ, ᓯᕗᓕᖅᑎ ᓄᓇᕗᒻᒥ. ᑕᕝᕙᓂ ᑲᑎᓐᓂᐅᔪᒥ, ᐱᔭᕇᓚᐅᖅᑐᑦ ᐸᕐᓇᓂᕐᒧᑦ ᖃᓄᖅᑑᕈᑎᒃᓴᐅᔪᓂ ᐊᔪᖅᓴᓗᐊᕐᓂᐅᑉ ᒥᒃᓵᓄᑦ, ᒪᓕᑦᑐᑎᒃ ᐃᓱᒪᒋᔭᐅᔪᓂᒃ ᐃᑲᔪᕈᑕᐅᔪᓂᓪᓗ ᓄᓇᓕᓐᓂ ᓴᖅᑭᓯᒪᔪᓂᒃ ᐊᒻᒪ ᐊᕕᒃᑐᖅᓯᒪᔪᓂ ᑲᑎᒪᓂᐅᔪᓂᒃ ᑕᒫᓂ ᓄᓇᕗᓕᒫᒥ.

 

ᑎᓴᒪᖓᓐᓂ: ᐱᓕᕆᐊᖑᓂᐊᖅᑐᒥᒃ ᑲᒪᓂᖅ − ᖃᓄᐃᓕᐅᕆᐊᕐᓂᖅ! (2012)

ᓴᖅᑭᑕᐅᓚᐅᖅᑎᓪᓗᒋᑦ ᑎᑎᕋᖅᓯᒪᔪᑦ ᒪᑭᒪᓂᕐᒧᑦ ᐸᕐᓇᒍᑕᐅᔪᒥᒃ, ᑲᑐᔾᔨᖃᑎᒌᓕᒫᑦ, ᐱᓕᕆᕕᐅᔪᓕᒫᑦ ᒐᕙᒪᒃᑯᓐᓂ ᐊᒻᒪ ᐊᑐᓂᑦ ᐃᓄᐃᑦ ᖃᓄᖅᑑᕆᐊᓯᓂᐊᖅᑐᑦ.

 

ᕿᑎᕐᒥᐅᓂ

ᑭᕙᓪᓕᕐᒥᐅᓂ

ᕿᑭᖅᑕᓂ

 

ᑭᓲᕙ ᑕᖅᑲᒃᑯᓂᖓ ᐱᖃᑕᐅᑎᑦᑎᓂᖅ?

ᐃᓄᓐᓂᒃ ᐱᓕᕆᖃᑎᖃᕐᓂᖅ ᑐᑭᖃᕐᒪᑦ ᓄᓇᕗᒻᒥᐅᑦ ᑲᑐᔾᔨᖃᑎᒌᓪᓗᑎᒃ ᐱᓕᕆᔪᑦ−−ᒪᑐᐃᓐᖓᑦᑎᐊᕐᓗᑎᒃ, ᐅᖃᖃᑎᒋᒍᓐᓇᑦᑎᐊᕐᓗᑎᒃ, ᑲᑐᔾᔨᓗᑎᒃ ᑲᒪᒋᔭᕆᐊᖃᖅᑕᒥᓂᒃ, ᐊᒻᒪ ᑲᑐᔾᔨᖃᑎᒌᓪᓗᑎᒃ. ᐱᓕᕆᒐᑦᑕ ᐅᒃᐱᕈᓱᑦᑐᑕ ᓯᕗᒧᐊᒃᐸᓪᓕᐊᔪᓐᓇᕋᑦᑕ ᑲᑐᔾᔨᓗᑎᒃ ᐊᔪᖅᓴᓗᐊᕐᓂᖅᑕᖃᖁᓇᒍ ᐊᒻᒪ ᑎᑭᓐᓇᓱᐊᕐᓗᒍ ᑕᐅᑐᓐᖑᐊᖅᑕᕗᑦ.

 

ᓇᓕᐊᒃ ᑲᑐᔾᔨᖃᑎᒌᖑᔪᖅ ᐅᕝᕙᓗ ᐃᓄᒃ ᐃᓄᑑᔾᔨᔪᓐᓇᖏᑦᑐᖅ ᑕᒪᒃᓱᒧᖓ ᐊᔪᖅᓴᓗᐊᕐᓂᕐᒥᒃ ᑲᒪᓂᕐᒧᑦ. ᑭᒃᑯᓕᒫᑦ ᐃᑲᔪᕈᑎᒋᔭᖏᑦ ᐊᑑᑎᖃᑦᑎᐊᖅᐳᑦ. ᑭᒃᑯᓕᒫᑦ ᐃᓱᒪᒋᔭᖏᑦ ᐊᒻᒪ ᐃᓚᐅᔪᒪᓂᖏᑦ ᐱᔭᐅᔭᕆᐊᖃᖅᐳᑦ!