ᓄᓇᓕᓐᓂ ᐊᒻᒪ ᐱᕙᓪᓕᐊᔪᓕᕆᓂᖅ

Facilitator Login

Forgotten Password?

ᓄᓇᓕᓐᓂ ᐱᕙᓪᓕᐊᔪᓕᕆᓂᕐᓗ ᐱᓇᓱᐊᒐᑎᒍᑦ ᐱᔨᑦᑎᖅᑕᐅᓂᖃᖅᐸᑉᐳᑦ ᓄᓇᓕᒃᑎᒍᑦ ᐃᖅᑲᓇᐃᔮᒃᓴᖃᕈᑕᐅᓪᓗᓂᓗ. ᐊᓯᖏᓐᓂ ᐱᓪᓗᐊᑕᓂ ᑕᓪᓕᒪᓂ ᓴᓐᖏᑦᑎᒋᐊᕈᑕᐅᓂᐊᖅᐳᑦ ᓄᓇᓕᓐᓂ ᐊᒻᒪ ᐱᕙᓪᓕᐊᔪᓕᕆᓂᕐᒥ ᐱᓇᓱᐊᒐᓄᑦ ᐊᒻᒪ ᐃᓕᓴᖅᓯᓂᕐᒥᒃ ᐃᑲᔪᕐᓂᕐᒥᓪᓗ ᓄᓇᓕᓐᓂ ᐱᕙᓪᓕᐊᔾᔪᑕᐅᓇᓱᒃᑐᑦ ᓯᕗᓪᓕᐅᓂᖃᖅᑎᑕᐅᔭᕆᐊᖃᖅᑐᑎᑦ.

ᑕᒪᑐᒪᓂ ᐅᖃᖃᑎᒌᓐᓂᑦᑎᓐᓂ ᓇᓗᓇᐃᖅᓯᓚᐅᖅᐳᒍᑦ ᑕᐅᑐᒐᑦᑎᓐᓂ ᓄᓇᓕᖁᑎᑦᑎᓐᓄᑦ ᑎᑭᐅᑎᓂᐊᕈᑦᑕ ᐊᔪᖅᓴᕐᓂᖃᕈᓐᓃᖁᓪᓗᒍ ᐅᑯᓂᖓ ᑐᕌᒐᓂᑦ ᑎᑭᑕᐅᔪᒃᓴᓂᓪᓗ ᐱᓇᓱᒋᐊᖃᕐᓂᐊᖅᑐᒍᑦ:

A. ᓄᓇᓕᓐᓂ ᖃᓂᐃᓐᖏᓯᐊᕐᓂᕐᒧᑦ ᐸᕐᓇᐃᔭᕐᓂᖅ ᐃᓚᒋᔭᐅᖃᑕᐅᑦᑎᐊᕐᓗᓂ ᐱᕙᓪᓕᐊᔪᓕᕆᓂᕐᒥ

ᐱᕙᓪᓕᐊᔪᓕᕆᓂᕐᒧᑦ ᐸᕐᓇᐃᔭᕐᓂᖅ ᑐᑭᓕᐊᕐᓂᖃᕆᐊᓕᒃ ᐊᑐᓂ ᓄᓇᓖᑦ ᐱᔪᒪᔭᖏᓐᓄᑦ ᐱᔭᕆᐊᖃᖅᑕᖏᓐᓄᓪᓗ, ᐃᓚᒋᔭᐅᓗᓂ ᓄᓇᓕᐅᑉ ᑐᕌᕈᒪᔭᖓᓂᒃ ᖃᓄᐃᓐᖏᓯᐊᕐᓂᐊᕐᓂᕐᒧᑦ. ᑮᓇᐅᔭᓕᐅᕐᓂᖃᑦᑎᐊᓂᕐᒧᑦ ᑐᓐᖓᕕᖃᑦᑎᐊᕆᐊᓕᒃ ᑲᓲᑎᓂᖃᖅᑐᒥᒃ ᓄᓇᓕᓐᓂ ᖃᓄᐃᓐᖏᓯᐊᕐᓂᕐᒧᑦ.

ᐱᕙᓪᓕᐊᔪᓕᕆᔾᔪᑎᓄᑦ ᐱᓇᓱᒍᒪᓂᕐᒧᑦ ᐊᖏᖅᑕᐅᔪᓐᓇᖅᑐᑦ ᐃᓚᒋᐊᖅᑕᐅᔭᕆᐊᓖᑦ ᐃᓚᖃᓯᐅᔾᔭᐅᖁᓪᓗᒋᑦ ᑐᒃᓯᕋᐅᑎᓕᐊᑦ ᐊᔪᖅᓴᓗᐊᕈᓐᓃᖅᑎᑦᑎᒧᐊᖓᔪᓂᑦ ᐊᒻᒪ ᐃᓚᒋᔭᐅᓪᓗᓂ ᐱᕙᓪᓕᐊᔪᓕᕆᓂᐅᑉ ᑲᓲᑎᓂᖃᖅᑎᑕᐅᓂᖓ ᓄᓇᓕᓐᓂ ᖃᓄᐃᓐᖏᓯᐊᕐᓂᕐᒧᑦ.

B. ᐸᐃᕆᕕᖃᕐᓂᕐᒧᑦ ᐱᔨᑦᑎᕋᐅᑎᖃᕐᓂᖅᓴᐅᓂᖅ ᐊᖓᔪᖅᑳᕆᔭᐃᑦ ᐃᓕᓐᓂᐊᖃᑕᐅᔪᓐᓇᕐᓂᖅᓴᐅᖁᓪᓗᒋᑦ

ᑲᑐᔾᔨᓂᖃᕈᓐᓇᖅᑐᖅᓯᐅᕐᓗᑕ ᐸᐃᕆᕕᖃᖅᑎᑦᑎᓂᕐᒧᑦ ᐃᑲᔫᑎᓕᐅᕋᓱᒍᓐᓇᖅᐳᒍᑦ ᐸᐃᕆᕕᒃᓴᓄᑦ, ᐊᐅᓚᑦᑎᓂᕐᒧᑦ ᐱᓕᕆᓂᕐᒧᓪᓗ ᐸᐃᕆᓂᕐᒥ ᓄᓇᕘᒥ.

ᐸᐃᕆᕕᐅᒍᓐᓇᖅᑐᑦ ᓄᓇᕘᒥ ᐃᓚᔭᐅᔭᕆᐊᖃᒻᒪᕆᑉᐳᑦ. ᖃᓄᖅᑑᕈᓘᔭᕈᓐᓇᖅᐳᒍᑦ ᑕᒪᑐᒧᖓ ᓲᕐᓗ: ᒐᕙᒪᒃᑯᑦ ᐱᓕᕆᕕᖏᓐᓂ ᐸᐃᕆᕕᖃᕐᕕᐅᔪᓐᓇᖅᑐᑦ ᐃᓚᖃᓯᐅᔾᔭᐅᓗᑎᑦ; ᐊᖏᕐᕋᕆᔭᒥ ᐸᐃᕆᕕᖃᕈᓐᓇᖅᑎᑦᑎᓂᖅ ᐃᑲᔫᓯᐊᕐᓂᑎᒍᑦ ᐊᒻᒪ ᑲᑐᔾᔨᖃᑎᖃᕐᓂᒃᑯᑦ ᓇᒻᒥᓂᖃᖅᑎᐅᔪᓂᑦ, ᐱᓗᐊᖅᑐᒥ ᓄᓇᒥᐅᑕᓕᕆᔨᓂᑦ; ᐊᒻᒪ ᑲᑐᔾᔨᖃᑎᖃᕐᓂᖅ ᐃᒡᓗᐸᐅᔭᓕᐅᖃᑦᑕᓂᕐᒥ.

C. ᐱᓕᕆᔪᓐᓇᕐᓂᖃᖅᐸᓪᓕᐊᓂᖅ ᒐᕙᒪᐅᖏᑦᑐᓄᑦ ᓄᓇᓕᓐᓂ

ᒐᕙᒪᐅᓐᖏᑦᑐᑦ ᒪᕐᕉᓕᖓᔪᒥᒃ ᐱᔭᒃᓴᖅᑕᖃᖅᐳᑦ ᐊᔪᖅᓴᓗᐊᖅᑕᐃᓕᑎᑦᑎᓇᓱᓐᓂᕐᒥ, ᐊᒥᓱᑎᒍᑦ ᐱᔨᑦᑎᕋᕐᓂᖏᑎᒍᑦ ᐱᓇᓱᒍᓐᓇᐅᑎᖃᕐᓂᖏᑎᒍᓪᓗ ᒪᑯᓄᖓ ᖃᐅᑕᒫᒧᑦ ᐊᒃᓱᕈᖅᐸᒃᑐᓄᑦ ᐊᔪᖅᓴᕐᓂᑯᒧᑦ ᑮᓇᐅᔭᐃᓪᓗ ᓴᖅᑭᖅᑎᑕᐅᓗᑎᑦ ᓄᓇᕘᒧᑦ ᐊᒻᒪ ᐃᖅᑲᓇᐃᔮᒃᓴᓂᑦ ᓄᐃᑎᑦᑎᓂᒃᑯᑦ. ᐊᕕᑦᑐᖅᓯᒪᔪᓂ ᓄᓇᓕᓐᓂᓗ ᑎᒥᐅᔪᐃᑦ ᐱᕙᓪᓕᐊᔾᔪᑎᖃᕈᓐᓇᖅᐸᑉᐳᑦ ᓄᓇᓕᓐᓂ ᐱᖁᑎᖃᕐᓂᖏᑎᒍᑦ, ᖃᐅᔨᖃᑦᑕᕐᓂᖏᑎᒍᑦ ᓄᓇᓕᓐᓂ ᐱᔭᕆᐊᓖᑦ ᐊᓯᔾᔨᖃᑦᑕᕐᓂᖏᓐᓂᑦ ᐊᒻᒪᓗ ᑲᓲᑎᓂᓕᐅᖅᓯᒪᓂᖏᑎᒍᑦ ᑐᕌᖅᑕᐅᔪᓄᑦ ᑎᑭᔪᓐᓇᖅᑐᑎᑦ. ᓴᓐᖏᑦᑎᒋᐊᖅᑕᐅᓂᖓ ᓄᓇᕘᒥ ᐃᓅᓯᓕᕆᓂᑎᒍᑦ ᑮᓇᐅᔭᓕᐅᕈᑎᖓ ᐱᒻᒪᕆᐊᓘᕗᖅ ᐅᖓᓯᒃᑐᒧᑦ ᐊᔪᖅᓴᓗᐊᕈᓐᓃᖅᑎᑦᑎᓂᐊᕐᓂᕐᒧᑦ.

ᒫᓐᓇᐅᔪᖅ ᑕᒪᒃᑯᐊ ᐊᔪᖅᓴᓗᐊᕈᓐᓃᖅᑎᑦᑎᓇᓱᒍᑕᐅᔭᕇᖅᐳᑦ ᒐᕙᒪᐅᓐᖏᑦᑐᑎᒍᑦ. ᑲᓲᑎᓂᖏᑦ ᑕᒪᒃᑯᐊ ᒐᕙᒪᐅᓐᖏᑦᑐᑦ ᐃᑲᔪᖅᑕᐅᓂᖏᑦ ᓴᖅᑭᑎᑦᑎᒍᑕᐅᓂᐊᖅᐳᖅ ᖃᐅᔨᒪᓂᕐᓂᑦ ᑕᐅᖅᓰᖃᑎᒌᓐᓂᕐᒧᑦ ᐊᒻᒪ ᑐᑭᒧᐊᖅᑕᐅᓂᖏᓐᓄᑦ ᐱᓇᓱᒍᑕᐅᔪᐃᑦ ᓄᓇᕘᓕᒫᒥ.

There is currently no content classified with this term.