ᓂᕿᖃᐃᓐᓇᕈᓐᓇᕐᓂᖅ

Facilitator Login

Forgotten Password?

ᓱᕈᓰᑦ, ᐃᓐᓇᐃᑦ, ᐃᓚᒌᑦ ᓄᓇᖅᑲᑎᒌᓪᓗ ᓂᕿᖃᐃᓐᓇᕆᐊᖃᖅᐳᑦ ᖃᓄᖏᓐᖏᑦᑎᐊᕐᓂᐊᕈᑎᑦ. ᓄᓇᓕᓐᓂ ᑲᑎᒪᓂᕐᓂ ᐅᖃᖅᑐᖃᖃᑦᑕᓚᐅᖅᐳᖅ ᓂᕆᔭᒃᓴᖃᓐᖏᓗᐊᖃᑦᑕᕆᐊᒃᓴᖏᓐᓂᑦ ᓂᕆᑦᑎᐊᕙᖃᕈᓐᓇᓐᖏᓗᐊᕐᓂᖏᓐᓂᓪᓘᓐᓃ ᓂᐅᕕᕐᕕᓐᓂ ᐃᓄᒃᓯᐅᑎᑕᖃᓐᖏᓗᐊᕐᓂᖓᓂᓪᓘᓐᓃᑦ. ᓄᓇᕗᒻᒥ ᓂᕿᖃᐃᓐᓇᕈᓐᓇᖁᔨᖓᓗᐊᖅᐳᒍᑦ ᖃᖓᓕᒫᒃᑯᑦ ᓄᓇᕗᒻᒥᐅᓕᒫᑦ ᐊᑐᐃᓐᓇᖃᕈᓐᓇᕐᓂᐊᕐᒪᑕ ᓈᒻᒪᒃᑐᓂᑦ ᑎᒥᑦᑎᐊᕆᓐᓇᖅᑐᓂᑦ ᐃᓄᒃᓯᐅᑕᐅᔾᔫᒥᔪᓂᓪᓗ ᓂᕿᓂᑦ. ᐊᒻᒪ ᓂᕿᖃᐃᓐᓇᕈᓐᓇᕐᓂᖅ ᐃᓄᒃᓯᐅᑎᓂᑦ ᐊᑦᑐᐊᒪᓂᖃᕐᓂᖓᓂᒃ ᖃᐅᔨᓚᐅᖅᐳᒍᑦ ᐊᓯᖏᓐᓄᓪᓗ ᐃᑲᔫᑎᖃᖅᐸᒻᒪᑦ ᓲᕐᓗ ᑭᓇᐅᓂᕐᒥᒃ ᐃᓕᓴᕆᔪᓐᓇᖅᓯᓂᕐᒧᑦ, ᐊᔪᕈᓐᓃᕈᑎᑖᖅᐸᓪᓕᐊᓂᕐᒧᑦ ᑲᓲᑎᖃᑎᒌᑦᑎᐊᓂᕐᒧᓪᓗ ᐊᖏᕐᕋᑎᓐᓂ ᓄᓇᑦᑎᓐᓂᓗ.

ᑕᒪᑐᒪᓂ ᐅᖃᖃᑎᒌᓐᓂᑦᑎᓐᓂ ᓇᓗᓇᐃᖅᓯᓚᐅᖅᐳᒍᑦ ᑕᐅᑐᒐᑦᑎᓐᓂ ᓄᓇᓕᖁᑎᑦᑎᓐᓄᑦ ᑎᑭᐅᑎᓂᐊᕈᑦᑕ ᐊᔪᖅᓴᕐᓂᖃᕈᓐᓃᖁᓪᓗᒍ ᐅᑯᓂᖓ ᑐᕌᒐᓂᑦ ᑎᑭᑕᐅᔪᒃᓴᓂᓪᓗ ᐱᓇᓱᒋᐊᖃᕐᓂᐊᖅᑐᒍᑦ:

A. "ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑲᑐᔾᔨᖃᑎᒌᑦ" ᓴᖅᑭᖅᑎᑕᐅᓗᑎᑦ

ᐃᓄᓕᒫᖅᑎᑦᑎᓂᒃᑯᑦ ᓯᕗᓕᐅᕆᔨᐅᕙᒃᑐᑦ ᓂᕿᖃᐃᓐᓇᕈᓐᓇᓂᕐᒧᑦ ᐱᓕᕆᖃᑎᒌᖁᔭᐅᓂᖃᓚᐅᖅᐳᑦ ᓄᓇᕗᒥᐅᓕᒫᓄᑦ ᐃᑲᔪᖅᑕᐅᔪᓐᓇᖁᓪᓗᒋᑦ.

ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑲᑐᔾᔨᖃᑎᒌᓕᐅᕐᓂᐊᖅᐳᒍᑦ, ᒐᕙᒪᒥᐅᑕᐃᑦ, ᐃᓄᐃᑦ ᑎᒥᖁᑎᖏᓐᓂᒥᐅᑕᐃᑦ, ᒐᕙᒪᐅᓐᖏᑦᑐᒥᓐᖔᖅᑐᐃᑦ, ᓇᒻᒥᓂᖃᖅᑐᓃᓐᖔᖅᑐᐃᑦ ᑭᓪᓕᓯᓂᐊᖅᑏᓪᓗ ᐊᖅᑯᑎᒃᓴᓕᐅᖁᓪᓗᒋᑦ ᐅᖓᓯᒃᑐᒧᐊᖓᔪᒥᒃ ᓂᕿᖃᐃᓐᓇᕈᓐᓇᓂᕐᒧᑦ ᓄᓇᕘᒥ. ᑖᒃᑯᐊ ᑲᑐᔾᔨᖃᑎᒌᑦ ᐊᖅᑯᑎᒋᔭᐅᒐᔭᖅᐳᑦ ᑲᑎᕝᕕᐅᓗᑎᑦ ᐊᑐᖅᑐᓂᑦ ᖃᓄᖅᑑᕈᑎᓂᓪᓗ ᖃᐅᔨᓴᐃᖃᑦᑕᓂᕐᒥᒃ ᕿᒥᕈᖃᑦᑕᓂᕐᒥᓪᓗ ᐊᒻᒪ ᓄᓇᕘᒧᑦ ᖃᓄᖅᑑᕐᓂᐊᕐᓂᕐᒧᑦ ᐸᕐᓇᐅᑎᓕᐅᖁᓪᓗᒋᑦ ᓂᕿᖃᐃᓐᓇᕈᓐᓇᓂᕐᒧᑦ.

B. ᐱᕚᓪᓕᖅᑎᑦᑎᒋᐊᕐᓂᖅ ᐃᓕᓐᓂᐊᕐᑯᓐᓂ ᐅᓪᓛᕈᒥᑕᓯᐅᑎᓂᑦ ᐅᓪᓗᕈᒥᑕᓯᐅᑎᓂᓪᓗ

ᐊᒥᓲᓗᐊᖅᑐᐃᑦ ᓱᕈᓰᑦ ᐃᓕᓐᓂᐊᕆᐊᖅᐸᒃᐳᑦ ᑳᒃᑐᑯᓘᓪᓗᑎᑦ ᓂᕿᑦᑎᐊᕙᕋᕈᓐᓇᖅᑎᑕᐅᓇᑎᓪᓗ. ᓂᕆᓯᒪᓐᖏᓗᐊᖅᑎᓪᓗᒋᑦ ᓱᕈᓰᑦ ᐃᓕᓐᓂᐊᕈᓐᓇᓐᖏᓂᖅᓴᐅᕙᑉᐳᑦ ᐃᓚᐅᔪᓐᓇᓐᖏᓂᖅᓴᐅᓪᓗᑎᓪᓗ ᐱᓕᕆᖃᑎᒌᑦᑎᑕᐅᑎᓪᓗᒋᑦ ᐊᒻᒪᓗ ᑲᓲᑎᖃᑎᖃᑦᑎᐊᕈᓐᓇᓐᖏᓂᖅᓴᐅᓕᖅᑐᑎᑦ.

ᐃᑲᔪᖅᑐᐃᕗᒍᑦ ᐱᕚᓪᓕᖅᑎᑕᐅᓂᖏᓐᓂᑦ ᐅᓪᓛᕈᒥᑕᓯᐅᑎᓂᑦ ᐅᓪᓗᕈᒥᑕᓯᐅᑎᓂᓪᓗ ᓱᕈᓯᓕᒫᓄᑦ ᓂᕿᓕᐅᖃᑕᐅᖃᑦᑕᖁᓪᓗᒋᑦ ᖃᐅᑕᒫᑦ. ᐃᑲᔪᕐᓂᐊᖅᐸᕗᑦ ᓄᓇᕗᒻᒥ ᓱᕈᓯᓕᒫᑦ ᐃᓕᑉᐸᓪᓕᐊᖁᓪᓗᒋᑦ ᐊᔪᓐᖏᔾᔪᑎᒋᒋᐊᖃᖅᑕᒥᓂᒃ ᖃᐅᔨᒪᒋᐊᖃᖅᑕᒥᓂᓪᓗ ᖃᓄᐃᓕᖓᔭᕆᐊᖃᕐᓂᕐᒥᓂᓪᓗ ᑐᕌᕈᒪᔭᕐᒥᓄᑦ ᐱᓇᓱᒍᓐᓇᑦᑎᐊᖁᓪᓗᒋᑦ ᐃᓅᓯᓕᒫᒥᓂ.

C. ᐃᑲᔫᑎᖃᒃᑲᓐᓂᕆᐊᕐᓂᖅ ᓄᓇᓕᓐᓂ ᓂᕿᖃᐃᓐᓇᕈᓐᓇᕈᑕᐅᓇᓱᒃᑐᓄᑦ

ᓄᓇᓕᓐᓂ ᑲᑎᒪᓂᕐᓂ ᐃᓚᐅᖃᑕᐅᔪᐃᑦ ᐊᔪᐃᓐᓈᖅᐸᓚᐅᖅᐳᑦ ᓄᓇᓕᓐᓂ ᓂᕿᖃᖅᑎᑦᑎᖃᑕᐅᑎᒋᐊᖃᕐᓂᖏᓐᓂᑦ ᒪᑯᑎᒎᓇ ᓄᓇᓕᓐᓂ ᓂᕿᖃᐃᓐᓇᕈᑕᐅᓇᓱᒃᑐᑎᒍᑦ ᐆᒪᔪᕋᓱᖃᑎᒌᒃᑐᑎᑦ, ᐃᓄᒃᓯᐅᑎᓂᑦ ᑐᓂᓯᖃᑦᑕᐅᑎᓂᒃᑯᑦ, ᓄᓇᓕᓐᓂ ᖁᐊᒃᑯᕕᖃᕐᓂᑎᒍᑦ ᓂᕿᑖᕐᕕᖃᕐᓂᑎᒍᓪᓗ. ᑕᒪᒃᑯᑎᒎᓇ ᓂᕿᑦᑎᐊᕙᐃᑦ ᓂᕆᔪᒥᓇᖅᑐᐃᓪᓗ ᐊᑐᐃᓐᓇᕈᖅᑎᑕᐅᕙᑉᐳᑦ ᐃᑲᔪᕈᑕᐅᓪᓗᑎᓪᓗ ᓄᓇᖅᑲᑎᒌᑦᑎᐊᓂᕐᒧᑦ. ᐃᓄᒃᓯᐅᑎᓂᑦ ᑐᓂᓯᖃᑦᑕᐅᑎᓂᖅ ᐊᓯᖏᓐᓄᑦ ᐃᑲᔫᑎᖃᒻᒪᕆᑉᐳᖅ ᑭᓇᐅᓂᕐᒧᑦ ᐃᓕᓴᖅᓯᓂᕐᒧᑦ, ᐊᔪᕈᓐᓃᕈᑎᑖᕐᓂᕐᒧᑦ, ᐊᖏᕐᕋᖃᑦᑎᐊᓂᕐᒧᑦ ᑲᓲᑎᖃᑎᒌᑦᑎᐊᓂᕐᒧᓪᓗ ᐊᖏᕐᕋᒥ ᓄᓇᖅᑲᑎᓂᓪᓗ.

ᑕᒪᑐᒪᓂ ᐅᖃᖃᑎᒌᓐᓂᑦᑎᓐᓂ ᓇᓗᓇᐃᖅᓯᓚᐅᖅᐳᒍᑦ ᑕᐅᑐᒐᑦᑎᓐᓂ ᓄᓇᓕᖁᑎᑦᑎᓐᓄᑦ ᑎᑭᐅᑎᓂᐊᕈᑦᑕ ᐊᔪᖅᓴᕐᓂᖃᕈᓐᓃᖁᓪᓗᒍ ᐅᑯᓂᖓ ᑐᕌᒐᓂᑦ ᑎᑭᑕᐅᔪᒃᓴᓂᓪᓗ ᐱᓇᓱᒋᐊᖃᕐᓂᐊᖅᑐᒍᑦ:

There is currently no content classified with this term.