ᐱᓕᕆᖃᑎᒌᓐᓂᖅ ᓄᓇᓕᓐᓂᓗ ᐃᓚᐅᑎᑦᑎᓂᖅ

Facilitator Login

Forgotten Password?

ᑲᑐᔾᔨᓗᑕ ᐃᑲᔪᖃᑦᑕᐅᑎᓗᑕᓗ ᐱᒻᒪᕆᒋᕙᕗᑦ ᐃᓘᓐᓇᓯᓐᓄᑦ. ᐊᑕᐅᓯᕐᒥᒃ ᐱᓇᓱᒍᒪᕗᒍᑦ: ᐊᔪᖅᓴᓗᐊᕐᓂᖅ ᓄᖑᑎᒋᐊᕈᒪᓪᓗᑎᒍ. ᑖᓐᓇᓕᖃᐃ ᑐᑭᑖᕈᑎᒋᔪᓐᓇᓐᖏᒃᑲᓗᐊᖅᐸᕘᑦ?

ᓄᓇᓕᓐᓂ ᐊᕕᑦᑐᖅᓯᒪᔪᓂᓪᓗ ᑲᑎᒪᓂᐅᔪᓂ ᓇᓗᓇᐃᔭᕈᑕᐅᓚᐅᖅᐳᖅ ᐊᒥᓱᑦ ᓄᓇᕗᒻᒥᐅᑦ, ᐃᓚᐅᓪᓗᑎᑦ ᓄᓇᕗᑦ ᒐᕙᒪᒃᑯᑦ ᐊᒻᒪ ᑐᓐᖓᕕᒃᑯᑦ ᐃᖅᑲᓇᐃᔭᖅᑎᖏᑦ, ᐅᑉᐱᕈᓱᒃᐳᑦ ᐃᓕᖅᑯᓯᐅᕙᒃᑐᓂᑦ ᐊᓯᔾᔨᕐᓂᖅᑕᖃᕆᐊᖃᕐᒪᑦ. ᑲᑎᒪᖃᑕᐅᔪᑦ ᐅᖃᖃᑎᒌᓐᓂᖃᓚᐅᖅᐳᑦ ᑖᒃᑯᐊ ᐃᓄᑐᐃᓐᓇᐃᑦ ᐊᒻᒪ ᑎᒥᐅᔪᑦ ᐱᔨᑦᑎᖅᑎᖁᑎᖏᑦ ᖃᓄᐃᓘᖃᑎᒌᓐᓂᕆᔭᖏᑦ ᐊᓯᔾᔨᕐᓂᖅᑕᖃᕆᐊᖃᕐᒪᑦ, ᓄᓇᓖᑦ ᐃᓚᐅᖃᑕᐅᓂᖏᑦ ᐋᖅᑮᔾᔪᑕᐅᔪᓄᑦ ᖃᓄᖅᑑᕈᑕᐅᔪᓄᓪᓗ ᐃᓚᒋᓪᓗᓂᐅᒃ. ᐃᓕᓴᕆᕙᕗᑦ ᑖᒃᑯᐊ ᓄᓇᕗᑦ ᒐᕙᒪᒃᑯᖓᑦ, ᑐᓐᖓᕕᒃᑯᑦ ᐊᒻᒪ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᒌᓐᓂᖅᓴᐅᔭᕆᐊᖃᕐᒪᑕ. ᐃᓄᓕᒫᑎᒍᓪᓗ ᐅᖃᖃᑎᒌᓐᓂᖅᑕᖃᕆᐊᖃᕐᒥᔪᖅ ᖃᓪᓗᓈᖃᓕᕐᓂᐅᑉ ᐊᑦᑐᐃᓂᕆᓯᒪᔭᖏᓐᓂᑦ, ᖃᓄᕐᓗ ᐅᓪᓗᒥᒧᑦ ᐊᐅᓚᑦᑎᓂᕆᕙᒃᑕᕗᑦ ᐊᑦᑐᖅᑕᐅᓯᒪᒻᒪᖔᖅ ᐊᒻᒪᓗ ᖃᓄᖅ ᓄᓇᕗᒻᒥᐅᑦ ᓯᕗᒧᐊᖃᑎᒌᒍᓐᓇᕐᒪᖔᑕ.

ᑕᒪᑐᒪᓂ ᐅᖃᖃᑎᒌᓐᓂᑦᑎᓐᓂ ᓇᓗᓇᐃᖅᓯᓚᐅᖅᐳᒍᑦ ᑕᐅᑐᒐᑦᑎᓐᓂ ᓄᓇᓕᖁᑎᑦᑎᓐᓄᑦ ᑎᑭᐅᑎᓂᐊᕈᑦᑕ ᐊᔪᖅᓴᕐᓂᖃᕈᓐᓃᖁᓪᓗᒍ ᐅᑯᓂᖓ ᑐᕌᒐᓂᑦ ᑎᑭᑕᐅᔪᒃᓴᓂᓪᓗ ᐱᓇᓱᒋᐊᖃᕐᓂᐊᖅᑐᒍᑦ:

A. ᐱᓕᕆᖃᑎᒌᑦᑎᐊᕆᐊᒃᑲᓐᓂᕐᓗᑎᑦ ᓄᓇᕗᑦ ᒐᕙᒪᒃᑯᑦ, ᑐᓐᖓᕕᒃᑯᑦ ᐊᒻᒪ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ.

ᐃᑲᔪᖅᑐᕐᓂᐊᖅᐳᒍᑦ ᐱᓕᕆᖃᑎᒌᑦ ᑎᓕᐅᖅᑕᐅᓂᐊᕐᓂᖏᓐᓂᑦ ᐊᑐᓕᖅᑎᑦᑎᓂᕐᒧᑦ ᓄᓇᕗᒻᒥ ᓄᓇᑖᕈᑎᐅᑉ ᐅᖃᓕᒫᕐᕕᐊ 32-ᖓᓂᒃ.

ᐃᑲᔪᖅᑐᕐᓂᐊᕆᕙᕗᓪᓗ ᓄᓇᓕᓂᓐᓂ ᑕᒫᑦ ᑲᑎᒪᔨᕋᓛᖅᑕᖃᓕᖁᓪᓗᒍ ᒐᕙᒪᒃᑯᓐᓃᖔᖅᑐᓂᑦ ᑕᐃᒃᑯᓇᓂ ᓄᓇᓕᓐᓃᑦᑑᔪᓂᑦ ᐊᒻᒪᓗ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᑭᒡᒐᑐᖅᑏᑦ ᑕᐃᒃᑯᓇᓂᑦᑕᐅᖅ ᓄᓇᓕᓐᓃᑦᑑᔪᓂᑦ.

B. ᐃᑲᔫᑎᒃᑲᓐᓃᑦ ᓄᓇᓕᓐᓂ ᖃᓄᖅᑑᕐᓂᕐᓄᑦ.

ᐃᓕᓴᕆᕙᕗᑦ ᐱᓕᕆᑦᑎᐊᕐᓂᖅ ᐊᔪᖅᓴᓗᐊᕈᓐᓃᖅᑐᖃᕐᓂᐊᕈᓂ ᐱᓕᕆᖃᑎᒌᑦᑐᖅᑕᖃᕆᐊᖃᕐᓂᐊᕐᒪᑦ ᓄᓇᓕᓐᓂ ‘ᑐᑦᑕᕐᕕᒻᒥᒃ’ ᐃᑲᔪᖅᑕᐅᓗᑎᑦ. ᓄᓇᓕᓐᓂ ᑎᒥᐅᔪᑦ ᑲᓲᑎᕙᓪᓕᐊᓂᖏᑦ ᐊᔪᖅᓴᓗᐊᕈᓐᓃᖅᑎᑦᑎᖃᑕᐅᔪᑦ ᐃᑲᔪᖅᑐᕐᓂᐊᖅᐸᕗᑦ ᐊᒻᒪᓗ ᓄᓇᕘᒥ ᑎᒥᐅᔪᒥᒃ ᐃᑲᔪᕐᓂᐊᖅᑐᓂᑦ ᓄᓇᓕᓐᓂ ᑲᓲᑎᔪᐃᑦ ᐱᓇᓱᒃᑕᐅᔪᓂᑦ.

C. ᐊᔪᖅᓴᓗᐊᕈᓐᓃᖅᑎᑦᑎᓂᕐᒧᑦ ᒪᓕᒐᒃᓴᖅ.

ᕿᒥᕐᕈᓇᓱᓐᓂᐊᖅᐳᒍᑦ ᒪᓕᒐᒃᓴᒥᒃ ᑎᓕᐅᕈᑕᐅᒐᔭᖅᑐᒥᒃ ᐱᓕᕆᖃᑎᒌᓐᓂᕐᒧᑦ ᐊᑐᐊᒐᐃᑦ ᐱᓇᓱᒍᑏᓪᓗ ᓴᖅᑭᖅᑎᑕᐅᕙᓪᓕᐊᓂᐊᕐᓂᖏᓐᓄᑦ ᐊᔪᖅᓴᓗᐊᖅᑕᐃᓕᒋᐊᖅᑎᑦᑎᓂᕐᒧᑦ, ᓯᕗᒧᐊᕈᑕᐅᔪᑦ ᑐᕌᒐᑦᑎᓐᓄᑦ ᐅᓂᒃᑳᕐᓂᖅᑕᖃᖁᓪᓗᒍ ᐊᒻᒪ ᐸᕐᓇᐅᑎᕗᑦ ᐊᑐᓕᕆᐊᒃᑲᓐᓂᖁᓪᓗᒍ  

There is currently no content classified with this term.