ᐱᔾᔪᑎᓕᒃ

Facilitator Login

Forgotten Password?

 

ᓱᐊᒐᑦᓄᓇᕗᑦ ᒐᕙᒪᖓᑦ ᑭᒃᑯᓕᒫᓄᑦ ᐊᖏᖅᓯᒪᓂᕋᓚᐅᕐᒪᑕ ᐃᒪᐃᓕᐅᕈᒪᓪᓗᑎ “ᐃᓚᐅᑎᑦᑎᓗᑎᑦ ᐱᓕᕆᖃᑎᒋᕙᑦᑕᖏᓐᓂᑦ ᐃᓚᖃᕐᓗᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ, ᐊᓯᖏᑦ ᒐᕙᒪᐅᔪᑦ, ᒐᕙᒪᓕᕆᓂᕐᒨᖓᖏᑦᑐᑦ ᑲᑐᔾᔨᖃᑎᒌᑦ ᐊᒻᒪ ᓇᒻᒥᓂᖃᖅᑎᐅᔪᓪᓗ ᐱᕙᓪᓕᐊᑎᑦᑎᓂᕐᒥᑦ ᐱᓕᕆᐊᒃᓴᐅᓂᐊᖅᑐᓂᑦ ᐊᒻᒪ ᐊᑐᐊᒐᐅᓂᐊᖅᑐᓂᑦ ᐃᑲᔪᕐᓂᖃᕐᓂᐊᖅᑐᒥᑦ ᓄᓇᕗᒻᒥᐅᓂᑦ ᐊᔪᖅᓴᕈᓐᓃᐹᓪᓕᑎᑦᑎᓇᓱᐊᖅᑎᓪᓗᒋᑦ.”

 

2010-ᖑᑎᓪᓗᒍ, ᒐᕙᒪᒃᑯᑦ ᐅᖃᓚᐅᕐᒪᑕ ᓴᖅᑭᑕᐅᓂᖓ ᑖᓐᓇ ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᐊᕐᓂᕐᒧᑦ ᐊᓪᓚᕝᕕᐅᔪᖅ ᓯᕗᓕᖅᑎᐅᓂᕐᒧᑦ ᐸᕐᓇᐃᓂᕐᒥᑦ ᐊᒻᒪ ᐊᑐᓕᖅᑎᑦᑎᓂᕐᒥᑦ ᐊᔪᖅᓴᕈᓐᓃᐹᓪᓕᑎᑦᑎᓂᕐᒧᑦ ᖃᓄᖅᑑᕈᑎᒃᓴᒥᑦ. ᑭᐅᔾᔪᑎᖃᖅᑐᑎ, ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑕ ᑐᒡᓕᖓ ᔭᐃᒥᓯ ᐃᑦᑐᓗᒃ ᐅᖃᓚᐅᖅᑐᖅ “ᓄᓇᕗᑦ ᑐᙵᕕᒃᑯᑦ ᐱᓕᕆᖃᑎᖃᑦᑎᐊᕐᓂᐊᖅᑐᑦ ᓄᓇᕗᑦ ᒐᕙᒪᒃᑯᖏᓐᓂ ᐊᓯᖏᓪᓗ ᐃᓚᒋᔭᐅᔪᑦ ᑖᒃᑯᓄᖓ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔩᑦ ᐋᖅᑭᒃᓱᐃᓂᕐᒥᑦ ᐊᔪᖅᓴᕈᓐᓃᐹᓪᓕᑎᑦᑎᓂᕐᒧᑦ ᖃᓄᖅᑑᕈᑎᒃᓴᒥᑦ”.

ᑖᓐᓇ ᑲᑐᔾᔨᓂᒃᑯᑦ ᐊᖏᕈᑕᐅᓚᐅᖅᑐᖅ ᓴᙲᑦᑎᒃᑲᓐᓂᓚᐅᖅᑐᖅ ᑎᑎᖅᑲᑎᒍᑦ ᑐᓂᓯᖃᑦᑕᐅᑎᓂᒃᑯᑦ ᑖᒃᑯᓇᙵ ᓯᕗᓕᖅᑎ ᐋᕆᐊᖕᒥᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᓂ ᖃᓗᔾᔭᕐᒥ.

 

ᔫᓂ 2010ᒥ ᐊᖏᖅᑕᐅᓚᐅᕐᒪᑦ ᑖᒃᑯᐊ ᒪᕐᕉᒃ ᑲᑐᔾᔨᖃᑎᒌᖑᔫᒃ ᑲᑎᒪᑎᑦᑎᓛᕐᒪᑎ ᐃᓄᖕᓂᑦ ᐊᒻᒪ ᑲᑐᔾᔨᖃᑎᒌᖑᔪᓂᑦ ᐱᓕᕆᓂᖃᕈᒪᔪᓂᑦ ᐊᔪᖅᓴᕈᓐᓃᐹᓪᓕᑎᑦᑎᓂᕐᒥᑦ ᐅᖃᓪᓚᐅᓯᖃᕆᐊᖅᑐᕐᓗᑎ ᐊᒻᒪ ᐱᓕᕆᓗᑎᑦ ᐋᖅᑭᒃᓱᐃᕙᓪᓕᐊᓂᕐᒥᑦ ᐸᕐᓇᐅᑎᒥᑦ ᑲᒪᓂᕐᒧᑦ. ᑖᓐᓇ ᑲᑎᒪᓂᐅᔪᖅ ᐃᓄᖕᓂᑦ ᐊᒻᒪ ᑲᑐᔾᔨᖃᑎᒌᖑᔪᓂᑦ ᐱᒋᐊᕈᑕᐅᓚᐅᕐᒪᑦ ᓄᓇᕗᒻᒥᑦ ᑲᑎᒪᓃᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ.

 

ᐅᑐᐱᕆ 24, 2012-ᖑᑎᓪᓗᒍ, ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᑎᓕᐅᓚᐅᖅᑑᒃ ᐊᖏᖃᑎᒌᒍᑕᐅᓯᒪᔪᒥᑦ ᑲᑐᔾᔨᖃᑎᒌᓂᒃᑯᑦ ᐃᑲᔪᕐᓂᕆᔭᖏᑦ ᑲᑎᒪᓂᐅᖃᑦᑕᖅᑐᒧᑦ ᐊᒻᒪ ᐅᖃᒃᑲᓐᓂᖅᓯᒪᓕᖅᐳᑦ ᐊᖏᖅᓯᒪᓂᖏᑦ ᑲᒪᒋᔭᐅᓂᐊᕐᓂᖓᓄᑦ ᐊᒻᒪ ᑲᑎᒪᓂᐅᖃᑦᑕᕐᓂᐊᖅᑐᒧᑦ.

 

ᐃᓚᒋᔭᐅᓂᖅ

ᓄᓇᕗᒻᒥᑦ ᑲᑎᒪᓃᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ ᑭᒡᒐᖅᑐᐃᔨᖃᕐᓂᖅᓴᐅᔪᑦ ᒐᕙᒪᐅᔪᓂᑦ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ, ᓇᒻᒥᓂᖃᖅᑎᐅᔪᓂᑦ, ᐃᖅᑲᓇᐃᔭᖅᑎᓂᑦ ᐊᒻᒪ ᑮᓇᐅᔾᔭᒐᓱᐊᖅᑎᐅᙱᑦᑐᓂᑦ, ᓄᓇᕗᒻᒧ ᐱᓕᕆᔪᒪᓪᓗᑎ.

ᐊᓯᖏᑦ, ᐃᓚᒋᔭᐅᔪᒪᔪᑦ ᐊᕕᑦᑐᖅᓯᒪᔪᓂᑦ ᓄᓇᓕᓐᓂᙶᖅᑐᑦ ᐊᒻᒪ ᑲᑐᔾᔨᖃᑎᒌᖑᔪᓂᙶᖅᑐᑦ, ᐊᒻᒪ ᐃᓄᐃᑦ ᐊᔪᖅᓴᖅᑐᑦ ᐃᓚᒋᔭᐅᔪᓐᓇᕐᒥᔪᑦ ᐊᑎᓕᐅᖅᐸᑕ ᐊᖏᖅᓯᒪᓂᖏᓐᓄᑦ ᐊᖏᖃᑎᒌᒍᑕᐅᓯᒪᔪᒧᑦ.

 

ᒫᓐᓇᐅᔪᖅ ᐃᓚᒋᔭᐅᔪᑦ:

 

•ᑭᒻ ᑯᕌᑭᑦ, ᓄᓇᕗᒻᒥ ᐅᖄᓕᒫᕆᐅᖅᓴᓂᕐᒧᑦ ᑲᑎᒪᔨᖏᑦ

•ᑖᓂᐅᓪ ᑰᕆᐅᕐ, ᑳᕐᐴᕐ ᓄᓇᕗᑦ

•ᔅᑕᕚᓐ ᑕᐃᒍᓪ, ᐅᑭᐅᖅᑕᖅᑐᒥᑦ ᑯᐊᐸᒃᑯᑦ

•ᒍᐊᓐ ᕼᐄᓕ, ᖃᐅᔨᒋᐊᖅᑏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᕕᖓ

•ᐃᐊᑦ ᒥᒃᑲᓇ, ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᐊᕐᓂᕐᒧᑦ ᐊᓪᓚᕝᕕᐅᔪᖅ

•ᕌᐱᓐ ᒪᓅᓪ, ᐋᓐᓂᐊᓯᐅᖅᑎ

•ᕋᐃᑦᓱᓪ ᒫᒃ, ᒐᕙᒪᓕᕆᔨᒃᑯᓐᓂ (ᓄᓇᕗᑦ ᒐᕙᒪᖓ)

•ᒫᒃ ᒫᓯ, ᒪᓕᒐᕐᓂᒃ ᑐᑭᓯᓂᐊᕐᕕᒃ

•ᐄᕙ ᒪᐃᑯ, ᓄᓇᓕᐸᐅᔭᒃᑯᑦ ᐃᖃᓗᓐᓂ

•ᓇᐃᑕᓐ ᐆᐸᑦ, ᐃᓅᓯᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓪᓗ, ᓄᓇᕗᑦ ᑐᙵᕕᒃ

•ᔨᐊᕝ ᕋᐃᔭᓐ, ᓄᓇᑦᓯᐊᕐᒥᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᖏᑦ

•ᑎᓃᑲ ᓯᒥᓐᔅ, ᓄᓇᓕᕋᓛᖑᓂᖅᓴᐅᔪᓂᑦ ᐊᒻᒪ ᑲᑐᔾᔨᖃᑎᒌᖑᔪᓄᑦ ᑲᑎᒪᔨᖏᑦ, ᑲᓇᑕᐅᑉ ᒐᕙᒪᒃᑯᖏᑦ

•ᓴᑭᐊᓯ ᓴᐅᓪᓗᐊᐱᒃ, ᓄᓇᕗᒻᒥᑦ ᕼᐋᒻᓚᒃᑯᑦ ᑲᑐᔾᔨᖃᑎᒌᒃᑯᖏᑦ

•ᒥᐊᓕ-ᐊᓚᓐ ᑖᒪᔅ, ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ

•ᑯᕆᔅ ᐅᐊᔅᑦ, ᕿᑭᖅᑖᓗᖕᒥ ᓇᒻᒥᓂᖃᖅᑐᓄᑦ ᑲᑐᔾᔨᖃᑎᒌᒃᑯᖏᑦ

•ᑕᒡ ᐅᐊᒃᒪᓐ, ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᖏᑦ

•ᐋᓇ ᓰᒡᓗ, ᓄᓇᕗᒻᒥ ᐅᖃᓕᒫᕆᐅᖅᓴᓂᕐᒧᑦ ᑲᑎᒪᔨᖏᑦ

 

ᐊᖏᖃᑎᒌᒍᑕᐅᓯᒪᔪᖅ

ᐃᓚᒋᔭᐅᔪᒪᓗᓂ ᑲᑎᒪᔨᐅᔪᓄᑦ ᐊᔪᖅᓴᕈᓐᓃᐹᓪᓕᑎᑦᑎᓂᕐᒧᑦ, ᐃᕝᕕᑦ ᐅᕝᕙᓘᓐᓃᑦ ᑲᑐᔾᔨᖃᑎᒋᔭᐃᑦ ᐊᑎᓕᐅᕆᐊᓕᒃ ᐊᖏᖃᑎᒌᒍᑕᐅᓯᒪᔪᒥᑦ.

 

ᐊᒻᒧᑦ ᐃᖏᕐᕋᑎᓪᓗᒍ ᒪᑉᐱᒐᐅᑉ ᐊᑖᓄ ᑲᓱᕐᕕᐅᔪᓐᓇᖅᑐᒧᑦ ᐊᑎᓕᐅᖅᑕᐅᓯᒪᔪᒥᑦ ᐊᖏᖃᑎᒌᒍᑕᐅᓯᒪᔪᖅ ᑖᒃᑯᓄᖓ ᓄᓇᕗᑦ ᑐᙵᕕᒃᑯᓐᓄᑦ ᐊᒻᒪ ᓄᓇᕗᑦ ᒐᕙᒪᒃᑯᖏᓐᓄᑦ.

 

ᑖᓐᓇ ᐊᖏᖃᑎᒌᒍᑕᐅᓯᒪᔪᖅ ᑲᑎᒪᓂᐅᔪᓄᑦ ᑐᙵᕕᖃᖅᑐᖅ ᑭᓱᓕᕆᔨᐅᓂᐊᕐᓂᖏᓐᓄᑦ ᐊᒻᒪ ᐱᔭᒃᓴᕆᓂᐊᖅᑕᖏᓐᓄᑦ ᐊᕕᑦᑐᖅᑕᐅᓯᒪᑦᑎᐊᕐᓗᑎᑦ ᐃᓄᒋᐊᕐᓂᖏᓐᓄᑦ ᒪᓕᓪᓗᑎᑦ ᐊᒻᒪ ᐃᑉᐱᒍᓱᑦᑎᐊᕐᓗᑎᑦ ᑲᑎᒪᔨᐅᔪᑦ ᐊᑐᓂ ᐊᔪᙱᓐᓂᕆᔭᖏᓐᓂ ᑲᑎᒪᓂᐅᔪᓄᑦ.  ᐱᓕᕆᖃᑎᒌᖑᔪᑦ ᑖᔅᓱᒥᖓᔅᓴᐃᓐᓇᖅ ᑕᐅᑐᙳᐊᕈᑎᖃᖅᑐᑦ, ᑭᓯᐊᓂ ᑲᔪᓯᓂᖃᖅᑐᑦ ᑭᐅᔨᐅᔭᕆᐊᖃᖅᐳᑦ ᑲᑐᔾᔨᖃᑎᒌᒃᑯᖏᓐᓄᑦ, ᐊᒻᒪ ᓇᒻᒥᓂᖅ ᓂᕈᐊᓲᖑᓪᓗᑎᑦ ᖃᓄᑎᒋ ᓯᕗᓕᖅᑎᐅᔪᒪᒻᒪᖔᑦ ᐊᒻᒪ ᑲᒪᖃᑕᐅᔪᒪᒻᒪᖔᑦ ᐱᓕᕆᓂᐅᔪᒥᑦ ᑲᑎᒪᓂᐅᔪᓄᑦ.

 

ᑲᑎᒪᖃᑎᒌᓲᖑᔪᑦ ᐱᓕᕆᖃᑎᒌᓲᖑᓪᓗᑎᑦ ᑲᑎᒪᓂᐅᔪᓄᑦ ᑖᒃᑯᐊᖑᔫᒃ ᓄᓇᕗᒻᒥᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦᑲᑎᒪᔨᖏᑦ ᐊᒻᒪ ᐃᓅᓯᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓪᓗ (ᓄᓇᕗᑦ ᑐᙵᕕᒃᑯᑦ).  ᑲᑐᔾᔨᓪᓗᑎᒃ, ᐊᓪᓚᕝᕕᓕᕆᓂᕐᒨᖓᔪᓂᑦ, ᑲᒪᒋᔭᖃᓲᑦ ᑲᑎᒪᓂᐅᔪᓄᑦ.

 

ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᐊᕐᓂᕐᒧᑦ ᐊᓪᓚᕝᕕᐅᔪᖅ

ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᐊᕐᓂᕐᒧᑦ ᐊᓪᓚᕝᕕᐅᔪᖅ ᓴᖅᑭᑕᐅᓚᐅᖅᑐᖅ ᐄᐳᕈ 1, 2010ᒥᑦ ᑲᒪᔨᐅᑎᑕᐅᓪᓗᑎ ᐋᖅᑭᒃᓱᖅᑕᐅᓯᒪᓂᖓ ᑭᒃᑯᑐᐃᓐᓇᕐᓄᑦ ᐋᖅᑭᒃᓱᐃᕙᓪᓕᐊᓂᕐᒧᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᖃᓄᖅᑑᕈᑎᒥᑦ ᓄᓇᕗᒻᒧᑦ.  ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᐊᕐᓂᕐᒧᑦ ᐊᓪᓚᕝᕕᐅᔪᖅ ᐱᔭᒃᓴᖃᕐᒥᔪᖅ ᐋᖅᑭᒃᓱᐃᓂᕐᒥᑦ ᑲᔪᓯᑎᑦᑎᓂᕐᒥᓗ ᒐᕙᒪᒃᑯᓐᓂᙶᖅᑐᓂᑦ ᐱᓕᕆᐊᖑᔪᓂᑦ ᑐᕌᖓᔪᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ.

 

ᐊᓪᓚᕝᕕᐅᔪᖅ ᐱᓕᕆᖃᑎᖃᓲᖅ ᓄᓇᕗᑦ ᑐᙵᕕᒃᑯᑦ ᐃᓅᓯᓕᕆᔨᒃᑯᖏᓐᓂ ᐃᓕᖅᑯᓯᓕᕆᔨᒃᑯᖏᓐᓂᓗ. ᑖᒃᑯᐊ ᑐᑦᑕᕐᕕᐅᔪᑦ ᐃᑲᔪᖅᓱᐃᓲᖑᒻᒪᑕ  ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᐊᕐᓂᕐᒧᑦ ᑲᑎᒪᓂᐅᔪᓂᑦ. ᐊᓪᓚᕝᕕᐅᔪᖅ ᐊᐅᓚᓂᖃᓲᖅ ᑎᓴᒪᓂᑦ ᐃᖅᑲᓇᐃᔭᖅᑎᖃᖅᑐᑎᒃ ᒫᓐᓇᐅᔪᖅ ᑲᒪᒋᔭᐅᓪᓗᑎᑦ ᐃᓄᓕᕆᔨᒃᑯᑦ ᐱᓕᕆᕝᕕᖓᓄᑦ, ᓄᓇᕗᑦ ᒐᕙᒪᒃᑯᖏᓐᓂ, ᐃᖃᓗᓐᓂ, ᓄᓇᕗᒻᒥ.

 

ᑐᑭᓯᒋᐊᕐᕕᒃᓴᐅᔪᖅ:

ᓄᓇᕗᒻᒥᑦ ᑲᑎᒪᓃᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ

ᑎᑎᖅᑲᒃᑯᕕᒃ 429

ᐃᖃᓗᐃᑦ, ᓄᓇᕗᑦ XOA OHO

ᐅᖄᓚᐅᑎᖓ 867-975-7817

ᓱᒃᑲᔪᒃᑯᑦ 867-975-7870 

 

ᑐᑭᓯᒋᐊᕐᕕᐅᒃᑲᓐᓂᕈᓐᓇᖅᑐᖅ:

nrpr@makiliqta.ca

 

Memorandum Of Understanding (Press Release) English

Memorandum Of Understanding (Press Release) Inuktitut

Memorandum Of Understanding