ᐱᔪᒪᔪᓄᑦ ᐸᖁᓇᒃᐳᑦ − ᒪᒃᑯᒃᑐᓂ ᑭᒡᒐᖅᑐᐃᔨ

Facilitator Login

Forgotten Password?
Nunavut Roundtable for Poverty Reduction

ᐊᕐᕌᒍᖃᖅᑮᑦ ᐊᑯᓐᓂᖏᓐᓂ 16 ᐊᒻᒪ 24? ᐃᖅᑲᓇᐃᔭᕈᒪᓂᖃᖅᑮᑦ ᑖᔅᓱᒥᖓᔅᓴᐃᓐᓇᖅ ᑐᕌᖅᑕᐅᔪᒥᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒥᑦ ᓄᓇᕗᒻᒥ? ᓄᓇᕗᒻᒥ ᑲᑎᒪᔩᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ ᕿᓂᖅᑐᑦ ᒪᒃᑯᑦᑐᓂᑦ ᑭᒡᒐᖅᑐᐃᔨᒥᑦ ᐅᖃᐅᔾᔨᒋᐊᖅᑎᐅᓗᓂ ᑎᑎᕋᕐᕕᖓᓄᑦ ᑭᒡᒐᖅᑐᐃᓗᓂ ᒪᒃᑯᑦᑐᓄᑦ ᑕᑯᓐᓇᖅᑕᖏᓐᓂᑦ ᖃᐅᑕᒫᑦ ᐱᓪᓚᕆᐅᔪᓂᑦ ᐃᓅᓇᓱᐊᓂᕐᒥᑦ ᐊᔪᖅᓴᓂᕐᒥᑦ. ᒪᒃᑯᑦᑐᑦ ᓂᐱᖃᕐᓗᑎ ᐱᒻᒪᕆᐅᔪᖅ ᓇᓂᓯᔾᔪᑎᓕᐅᕐᓗᑎ ᐋᖅᑭᒍᑎᓂᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ ᓄᓇᕗᒻᒥ, ᐱᒻᒪᕆᐅᑎᑦᑕᕗᓪᓗ ᐃᓱᒪᒋᔭᑎᑦ.

ᓄᓇᕗᒻᒥ ᑲᑎᒪᔩᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ ᒥᔅᓵᓄᑦ

ᑲᑎᒪᔩᑦ ᑲᑎᒪᔨᐅᔪᑦ ᑲᑐᔾᔨᖃᑎᒌᓂᑦ ᑲᔪᖏᖅᓯᒪᔪᑦ ᑐᑭᓯᐅᒪᖃᑎᒌᓐᓂᕐᒥᑦ ᐊᔪᖅᓴᓂᕐᒥᑦ ᐊᒻᒪ ᐊᑐᖅᑕᐅᔪᓂᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ ᓄᓇᕗᒻᒥ ᓇᓗᓇᐃᖅᑕᐅᓯᒪᔪᖅ ᒪᑭᒪᓂᖅ ᐸᕐᓇᐅᒻᒥᑦ. ᑲᑎᒪᔩᑦ ᑲᑎᓐᓂᖏᑦ ᓄᓇᓕᓐᓂᑦ ᐃᖅᑲᓇᐃᔭᖃᑎᒌᒍᓐᓇᑎᑦᑎᔪᑦ ᐊᑐᓕᖁᔭᓕᐅᕐᓗᑎ ᐃᓱᒪᒋᔭᐅᔪᓂᑦ ᐊᒻᒪ ᐊᓄᐃᓕᓯᒋᐊᕈᑏᑦ ᐊᔪᖅᓴᓗᐊᖅᑕᐃᓕᑎᑦᑎᓂᕐᒧᑦ. ᑲᑎᒪᔩᑦ ᑲᔪᖏᖅᓯᒪᒻᒥᔪᑦ ᐃᑲᔪᖅᓱᐃᓪᓗᑎ ᓄᓇᓕᓐᓄᑦ ᐱᒋᐊᖅᑎᑕᐅᓯᒪᔪᓂᑦ ᐱᓕᕆᐊᓂᑦ.

ᑲᑎᒪᔨᓄᑦ ᐃᔅᓯᕙᐅᑕᐅᖃᑕᐅᔪᑦ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᓐᖓᕕᒃ ᑎᒥᖓ, ᑲᑎᒪᔨᐅᖃᑕᐅᔪᑦ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᓖᑦ, ᒐᕙᒪᐅᖏᑦᑐᑦ ᑲᑐᔾᔨᖃᑎᒌᑦ, ᐊᒻᒪ ᓇᒻᒥᓂᕆᔭᐅᔪᓂᑦ. ᑲᑎᒪᔨᐅᖃᑕᐅᒻᒥᔪᑦ ᑭᒡᒐᖅᑐᐃᔩᑦ ᐊᑐᓂ ᑲᑎᓐᓂᐅᔪᓂᑦ ᒪᒃᑯᑦᑐᓄᑦ, ᐃᓐᓇᑐᖃᕐᓄᑦ, ᐃᓄᓐᓄᑦ ᑎᒥᒥᒍᑦ ᐊᔪᕈᑎᓕᓐᓄᑦ, ᐊᒻᒪ ᐃᓄᐃᑦ ᐊᔪᖅᓴᖃᑦᑕᖅᓯᒪᔪᑦ.

ᖃᓄᐃᓘᖃᑦᑕᕐᓂᕆᔭᕗᑦ

ᑎᑎᕋᕐᕕᖓ “ᐊᐅᓚᑦᑎᔾᔪᑎᓪᓗᐊᑕᖓ” ᑲᑎᒪᔩᑦ. ᐱᖃᓯᐅᑎᔪᑦ ᐃᖅᑲᓇᐃᔭᖅᑏᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᐊᒻᒪ ᓄᓇᕗᑦ ᒐᕙᒪᒃᑯᑦ, ᑎᑎᐸᕐᕕᖓ ᐱᓕᕆᐊᕆᒋᐊᖃᖅᑕᖏᑦ:

  • ᐊᐅᓚᑦᑎᓗᓂ ᑲᑎᒪᔨᓄᑦ ᐃᓚᒋᔭᐅᔪᑦ;

  • ᐸᕐᓇᐃᓗᓂ ᐊᒻᒪ ᐱᓕᕆᑎᑦᑎᓗᓂ ᖃᓄᐃᓘᖅᑕᓕᒫᓂᑦ, ᐱᓕᕆᔭᓕᒫᓂᑦ ᐊᒻᒪ ᑲᑎᓐᓂᓕᒫᖑᔪᓂᑦ;

  • ᐊᐅᓚᑦᑎᓗᓂ ᑐᓴᐅᒪᔾᔪᑎᓕᕆᓂᕐᒥᑦ ᐃᓚᒋᔭᐅᔪᓄᑦ ᐊᒻᒪ ᐃᓄᓐᓄᑦ;

  • ᐊᐅᓚᑦᑎᓂᕐᒧᑦ ᐃᑲᔪᕐᓗᓂ ᐱᓕᕆᖃᑎᒌᑦᑐᓄᑦ;

  • ᐅᓂᒃᑳᓕᐅᖃᑦᑕᕐᓗᓂ ᐊᒻᒪ ᕿᓱᓕᕆᔾᔪᑎᓂᑦ ᐃᑲᔪᕐᓗᒋᑦ ᑲᑎᒪᔩᑦ ᐃᖅᑲᓇᐃᔮᖓᓂ ᐊᒻᒪ,

  • ᐃᑲᔪᖅᑐᐃᓗᓂ ᓄᓇᓕᓐᓄᑦ ᐱᒋᐊᖅᑎᑕᐅᓯᒪᔪᓂᑦ ᐱᓕᕆᐊᓂᑦ.

  • ᑐᑭᒧᐊᖅᑎᓪᓗᒍ ᐊᑐᓕᖅᑎᑕᐅᓂᖓ ᒪᑭᒪᓂᖅ ᐸᕐᓇᐅᑦ

ᑭᓱᓂᑦ ᕿᓂᖅᑭᑕ

ᑎᑎᕋᕐᕕᖓ ᑲᑎᖃᑦᑕᖅᑐᑦ ᐊᓴᐅᓯᐊᖅᑐᑎ ᑕᖅᑭᑕᒫᑦ ᑲᑎᒪᒃᑲᓐᓂᖃᑦᑕᖅᑐᑎᑦ ᖃᓄᐃᓘᖅᑐᖃᓂᐊᓕᖅᑎᓪᓗᒍ. ᓂᕈᐊᖅᑕᐅᒍᕕᑦ, ᑲᑎᒪᔾᔪᑎᐊᖃᑦᑕᓂᐊᖅᑐᑎᑦ.

ᐃᓚᐅᖃᑕᐅᒍᒪᔪᑦ ᐊᐱᕆᔭᐅᓯᒪᕗᑦ ᑎᑎᕋᕐᓗᑎᑦ ᐱᔪᒪᓂᕐᒥᓄᑦ ᐅᕝᕙᓘᓐᓃᑦ ᐅᖄᓚᔪᓐᓇᖅᐳᑦ ᑐᕋᐃᓯ ᒪᐃ 867−975−5212−ᒥᑦ ᓇᓗᓇᐃᕐᓗᑎᑦ ᖃᓄᐃᒻᒪᑦ ᑲᑎᒪᔨᐅᖃᑕᐅᔪᒪᒐᔭᕐᒥᖔᖅᐱᑦ ᐊᒻᒪ ᖃᓄᕐᓗ ᐃᑲᔫᑎᐅᔪᓐᓇᕐᒪᖔᖅᐱᑦ ᑲᑎᒪᔨᓄᑦ. ᐃᓱᓕᕝᕕᐊ ᑐᒃᓯᕋᕋᓱᐊᕐᓂᖅ ᔮᓐᓄᐊᕆ 30, 2017−ᖑᓕᖅᐸᑦ.
 
ᐊᐱᖅᑯᑎᖃᖅᐲᑦ? ᐃᕐᖏᓇᖅᓯᐅᑎᐊᓄᑦ ᑎᑎᕋᕐᓗᑎᑦ ᑐᕋᐃᓯ ᒪᐃ TMay1@gov.nu.ca ᐅᕝᕙᓘᓐᓃᑦ ᐃᑭᐊᕿᕝᕕᖓᓄᐊᕐᓗᑎᑦ.
 

Tracy May
Poverty Reduction Division
Department of Family Services
PO Box 1000
Station 1220
Iqaluit, NU
X0A 0H0