ᐱᔪᒪᔪᓂᒃ ᑐᑦᓯᕋᖅᑐᑦ − ᓄᓇᓕᖕᓂᑦ ᑭᒡᒐᖅᑐᐃᔨ

Facilitator Login

Forgotten Password?
Nunavut Roundtable for Poverty Reduction

ᐊᔪᖅᓴᕐᓂᑰᕖᑦ? ᐃᖅᑲᓇᐃᔮᖃᕈᒪᕖ ᑐᕌᒐᕆᔭᐅᔪᒥᒃ ᑖᔅᓱᒥᖓᔅᓴᐃᓐᓇᖅ ᑲᒪᒋᔭᖃᕐᓂᕐᒥᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᓄᓇᕗᒻᒥ? ᓄᓇᕗᒻᒥ ᑲᑎᒪᔩᑦ ᓄᓇᓕᒻᒥᖔᖅᑐᒥᒃ ᑭᒡᒐᖅᑐᐃᔨᒃᓴᒥ ᕿᓂᖅᑐᑦ ᑖᓐᓇ ᐅᖃᐅᔾᔨᒋᐊᖅᑎᐅᒐᔭᖅᑐᖅ ᑲᑎᒪᔨᓄᑦ ᑭᒡᒐᖅᑐᐃᓗᓂ ᖃᐅᑕᒫᑦ ᐊᑐᖅᑕᐅᓪᓚᕆᑦᑐᓂᒃ ᐊᔪᖅᓴᖅᑐᓄᑦ. ᐊᔪᖅᓴᕐᓂᑰᔪᒥ ᑲᑎᒪᔨᖃᕐᓂᖅ ᓂᐱᖁᑎᒋᔭᐅᓂᐊᖅᑐᒥ ᐱᒻᒪᕆᐅᕗᖅ ᖃᓄᖅᑑᕐᓂᕐᒥᑦ ᐃᑲᔫᑎᒃᓴᓄᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᓄᓇᕗᒻᒥ, ᐅᖃᐅᓯᒃᓴᑎᑦ ᐱᒻᒪᕆᐅᒋᔭᕗᑦ.

ᓄᓇᕗᒻᒥ ᑲᑎᒪᔩᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᒥᒃᓵᓄᑦ

ᑲᑎᒪᔩᑦ ᑲᑎᖃᑎᒌᕙᒃᑐᑦ ᑲᑐᔾᔨᖃᑎᒌᓄᑦ ᐱᓕᕆᓂᖃᕈᒪᑦᑎᐊᖅᑐᓂᒃ ᑐᑭᓯᐅᒪᖃᑎᒌᓂᕐᒥᑦ ᐊᔪᖅᓴᓂᕐᒥᑦ ᐊᔾᔨᒌᑦᑐᒥᓪᓗ ᐱᓕᕆᓗᑎ ᐊᔪᖅᓴᓗᐊᕈᓐᓃᖅᑎᑦᑎᓂᕐᒧᑦ ᓄᓇᕗᒻᒥ ᓇᓗᓇᐃᖅᑕᐅᓯᒪᔪᖅ ᒪᑭᒪᓂᖅ ᐱᕙᒌᔭᐅᑎᒥ. ᑲᑎᒪᔩᑦ ᑲᑎᓐᓂᖏᑦ ᐱᕕᖃᖅᑎᑦᑎᓲᑦ ᓄᓇᓕᐅᔪᑦ ᐱᓕᕆᖃᑎᒌᓂᐊᕐᒪᑕ ᐃᓱᒪᒋᔭᒥᓂᒃ ᖃᓄᐃᓕᐅᕆᐊᖁᔭᒥᓂᓪᓗ ᐊᔪᖅᓴᓗᐊᕈᓐᓃᖅᑎᑦᑎᓂᕐᒧᑦ. ᑲᑎᒪᔩᑦ ᐱᓕᕆᐊᖃᖅᐸᖕᒥᔪᑦ ᐃᑲᔪᖅᓱᐃᓂᕐᒥᑦ ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂᒃ ᐱᓕᕆᐊᓂᑦ.

ᑲᑎᒪᔨᓄᑦ ᐃᒃᓯᕙᐅᑕᐅᖃᑎᒌᒃᑑᒃ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ. ᐊᓯᖏᑦ ᑲᑎᒪᔨᐅᖃᑕᐅᔪᑦ ᑖᒃᑯᐊᖑᔪᑦ ᓄᓇᕗᒻᒥ ᐃᓄᐃᑦ ᑲᑐᔾᔨᖃᑎᒌᑦ ᐊᕕᑦᑐᖅᓯᒪᓂᖏᑦ, ᕼᐋᒻᒪᓚᐃᑦ, ᒐᕙᒪᓕᕆᔨᐅᙱᑦᑐᑦ ᑲᑐᔾᔨᖃᑎᒌᑦ, ᓄᓇᓕᓐᓂ ᐱᓕᕆᖃᑎᒌᑦ, ᓇᒻᒥᓂᕆᔭᐅᔪᓪᓗ. ᑲᑎᒪᔩᑦ ᑭᒡᒐᖅᑐᐃᔨᖃᕐᒥᔪᑦ ᐊᑐᓂ ᑲᑎᒪᓕᕋᐃᒻᒪᑕ ᑖᒃᑯᓇᙶᖅᑐᓂᒃ ᒪᒃᑯᒃᑐᓂ, ᐃᓐᓇᕐᓂᒃ, ᐃᓄᓐᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ, ᐃᓄᓐᓂᓪᓗ ᐊᔪᖅᓴᕐᓂᑰᔪᓂᒃ.

ᖃᓄᐃᓕᐅᕐᓂᕆᕙᒃᑕᕗᑦ

ᑎᑎᕋᕐᕕᖓ “ᐊᓪᓚᕝᕕᓕᕆᓂᕐᒧᑦ ᑐᙵᕕᓪᓗᐊᑕᕆᔭᐅᔪᖅ” ᑲᑎᒪᔨᓄᑦ. ᐃᓚᖃᖅᑐᖅ ᐃᖅᑲᓇᐃᔭᖅᑎᓂᒃ ᓄᓇᕗᑦ ᑐᙵᕕᒃᑯᓐᓂᙶᖅᑐᓂᒃ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂ. ᑎᑎᕋᕐᕕᐅᑉ ᐱᔭᒃᓴᖏᑦ ᑖᒃᑯᐊᖑᔪᑦ:
 

  • ᑲᒪᒋᔭᖃᕐᓂᕐᒥᑦ ᑲᑎᒪᔨᓄᑦ ᐃᓚᒋᔭᐅᔪᓂᒃ;

  • ᐱᕙᒌᔭᐃᓲᖅ ᑲᒪᒋᔭᖃᖅᐸᒃᑐᓂᓗ ᖃᓄᐃᓕᐅᖅᑕᐅᔪᓕᒫᓂᒃ, ᐱᓕᕆᐊᕆᔭᐅᔪᓕᒫᓂᒃ ᐊᒻᒪ ᑲᑎᓐᓂᐅᔪᓕᒫᓂᑦ

  • ᑲᒪᒋᔭᖃᓲᖅ ᑐᓴᐅᒪᖃᑎᒌᓂᕐᒥᑦ ᐃᓚᒋᔭᐅᔪᓂᒃ ᐃᓄᓕᒫᓂᓪᓗ;

  • ᐊᐅᓚᑦᑎᓂᕐᒧᑦ ᐃᑲᔪᖅᓱᐃᓲᖅ ᐱᓕᕆᖃᑎᒌᒃᑐᓄᑦ;

  • ᐅᓂᒃᑳᓕᐅᕙᓪᓗᓂ ᐊᒻᒪᓗ ᐃᑲᔫᑎᒃᓴᓂᑦ ᓴᖅᑮᕙᓪᓗᓂ ᐃᑲᔪᖅᓱᓂᕐᒧᑦ ᑲᑎᒪᔩᑦ ᐱᔭᒃᓴᕆᔭᖏᓐᓄᑦ ᐊᒻᒪ,

  • ᐃᑲᔪᖅᑐᐃᓗᓂ ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂᑦ ᐱᓕᕆᐊᓂᑦ.

  • ᒪᑭᒪᓂᖅ ᐱᕙᒌᔭᐅᑎ ᐊᑐᓕᖅᑎᑕᐅᓂᖓᓂ ᐃᑲᔪᕐᓗᓂ

ᑭᓱᒥ ᕿᓂᖅᐱᑕ

ᑎᑎᕋᕐᕕᒃ ᑕᖅᑭᑕᒫᑦ ᐊᑕᐅᓯᐊᕐᓗᑎ ᑲᑎᖃᑎᒌᓲᑦ ᖄᒃᑲᓐᓂᐊᒍᑦ ᑲᑎᓲᖑᒋᓪᓗᑎ ᖃᓄᐃᓕᐅᖅᑎᑦᑎᓚᐅᙱᑎᓪᓗᒋᑦ. ᓂᕈᐊᖅᑕᐅᒍᕕᑦ, ᑲᑎᒪᔾᔪᓯᐊᖃᑦᑕᕋᔭᖅᑐᑎ ᐃᑲᔪᕐᓂᕆᔭᕐᓄᑦ.

ᐃᓚᐅᖃᑕᐅᒍᒪᔪᑦ ᐊᐱᕆᔭᐅᓯᒪᕗᑦ ᑎᑎᕋᕐᓗᑎᑦ ᐱᔪᒪᓂᕐᒥᓄᑦ ᐅᕝᕙᓘᓐᓃᑦ ᐅᖄᓚᔪᓐᓇᖅᐳᑦ ᑐᕋᐃᓯ ᒪᐃ 867−975−5212−ᒥᑦ ᓇᓗᓇᐃᕐᓗᑎᑦ ᖃᓄᐃᒻᒪᑦ ᑲᑎᒪᔨᐅᖃᑕᐅᔪᒪᒐᔭᕐᒥᖔᖅᐱᑦ ᐊᒻᒪ ᖃᓄᕐᓗ ᐃᑲᔫᑎᐅᔪᓐᓇᕐᒪᖔᖅᐱᑦ ᑲᑎᒪᔨᓄᑦ. ᐃᓱᓕᕝᕕᐊ ᑐᒃᓯᕋᕋᓱᐊᕐᓂᖅ ᔮᓐᓄᐊᕆ 30, 2017−ᖑᓕᖅᐸᑦ.
 
ᐊᐱᖅᑯᑎᖃᕈᕕᑦ, ᐃᕐᖏᓇᖅᓯᐅᑎᐊᓄᑦ ᑐᕋᐃᓯ ᒪᐃᒧᑦ ᑎᑎᕋᕐᓗᑎᑦ TMay1@gov.nu.ca−ᒧᑦ ᐅᕝᕙᓘᓐᓃᑦ ᐃᑭᐊᕿᕝᕕᖓᓄᐊᕐᓗᑎᑦ.
 
 
Tracy May
Poverty Reduction Division
Department of Family Services
PO Box 1000
Station 1220
Iqaluit, NU
X0A 0H0